NAGHAMON NG “MATIRA MATIBAY” NA RAMBULAN ANG DALAWANG SIKAT NA GANG SA LUGAR PERO NATIGILAN ANG MGA PULIS NANG MAKITA SILANG NASA GITNA NG KALSADA

NAGHAMON NG “MATIRA MATIBAY” NA RAMBULAN ANG DALAWANG SIKAT NA GANG SA LUGAR PERO NATIGILAN ANG MGA PULIS NANG MAKITA SILANG NASA GITNA NG KALSADA

Hatinggabi sa ilalim ng tulay ng C-5. Madilim, mausok, at amoy panganib.
Nagkatipon ang dalawang pinakamalaking gang sa lugar: Ang “Tondo Skulls” na pinamumunuan ni Boy “Bato” Batumbakal, at ang “Caloocan Vipers” sa ilalim ni Ramil “Rambo” Razon.

May hawak silang dos-por-dos, kadena, tubo, at baseball bat. Ang usapan: “Matira Matibay.” Kung sino ang matitirang nakatayo, sa kanila ang teritoryo.

“Rambo!” sigaw ni Boy Bato habang pinalalagutok ang leeg. “Humanda ka na! Ngayon ang huling gabi na makikita mo ang buwan!”
“Ulol!” ganti ni Rambo, habang inaayos ang leather jacket niya. “Ikaw ang maghanda, Bato! Pagkatapos nito, papakainin kita ng aspalto!”

Tensyonado ang lahat. Bawat miyembro ay nagngangalit ang ngipin. Isang maling galaw, dadanak ang dugo.

Dahan-dahang lumapit si Boy Bato kay Rambo. Face-to-face. Mata sa mata. Ilong sa ilong.
Itinaas ni Boy Bato ang kanyang kamao. Susuntok na sana siya nang biglang tumama ang ilaw ng poste sa mukha ni Rambo.

Natigilan si Bato. Ibinaba niya ang kamao niya.
Lalo siyang lumapit. Tinitigan niya ang pisngi ni Rambo. Tinitigan niya ang noo. Tinitigan niya ang ilong.

“Teka lang…” bulong ni Boy Bato.
“Bakit?! Takot ka na?!” sigaw ni Rambo.
“Hindi,” seryosong sabi ni Bato. Hinawakan niya ang baba ni Rambo at iniharap sa ilaw. “Pre… bakit ang kinis mo ngayon?”

Natahimik ang buong gang. Nabitawan ng isang miyembro ang hawak niyang tubo. Clang.
“H-Ha?” namula si Rambo. “Anong pinagsasasabi mo?”
“Seryoso Pre,” sabi ni Bato, halatang manghang-mangha. “Dati puro blackheads ka at open pores. Ngayon… Glass Skin ka na? Parang pwede akong manalamin sa noo mo. Anong gamit mo?”

Tumingin si Rambo sa mga tauhan niya. Nahihiya siya. Siga siya eh. Pero nakita niya sa mata ni Bato ang genuine curiosity.
Bumuntong-hininga si Rambo. Ibinaba niya ang hawak niyang baseball bat.

“Niacinamide, Pre,” bulong ni Rambo.
“Nia-ano?” tanong ni Bato.
“Niacinamide 10% with Zinc,” paliwanag ni Rambo. “Pang-control ng oiliness ‘yun. Tapos sa gabi, gumagamit ako ng Retinol para sa anti-aging at texture. Masakit sa una, may purging stage, pero kailangan mong tiisin. No pain, no gain.”

Nanlaki ang mata ni Bato. “Retinol? Yun ba ‘yung mahal? Akala ko Perla lang sapat na?”
“Gago! Kaya ang gaspang ng mukha mo eh!” sermon ni Rambo. “Ang Perla pang-damit ‘yun! Sinisira mo ang skin barrier mo. Tignan mo ‘yang ilong mo, ang daming sebaceous filaments.”
“Sebaceous fila-what?!” naguluhan ang mga miyembro ng Tondo Skulls.

Lumapit sila lahat. Yung dating pa-crescent formation na pang-away, naging circle time.

“Eh Boss Rambo,” tanong ng isang tauhan ni Bato na may hawak na kadena. “Ako kasi, dry skin ako eh. Namamalat. Anong okay dun?”
“Hyaluronic Acid, Tol,” sagot ni Rambo na parang derma. “Tapos patungan mo ng heavy moisturizer na may Ceramides. ‘Wag kang gagamit ng toner na may alcohol, lalong matutuyo ‘yan. Magmumukha kang butiki.”

“Whoa…” sabay-sabay namangha ang mga gangster.

“Eh Boss, paano ‘yung dark spots?” tanong naman ni Boy Bato, tinuro ang peklat niya sa pisngi. “Pwede pa ba ‘to?”

“Vitamin C Serum tuwing umaga,” payo ni Rambo. “At ang pinaka-importante sa lahat… mga bobo, makinig kayo…”

Tumahimik ang lahat. Abangers sa sikreto.
“SUNSCREEN.”
“Sunscreen?” tanong ni Bato. “Pang-beach lang ‘yun ah?”

“Tanga!” batok ni Rambo kay Bato. “Kaya ka nangingitim at kulubot eh! UV rays ang kalaban natin, hindi ibang gang! Kahit maulap, may UV rays! Dapat SPF 50 PA++++ ang gamit mo araw-araw! Ang tunay na siga, takot sa araw!”

Habang nagpapalitan sila ng tips tungkol sa Double Cleansing Method at Exfoliating, dumating ang mga pulis.
WANG! WANG! WANG!

Page: ⒸSAY – Story Around You | Original story.

Bumaba ang SWAT Team at si Chief Inspector Dela Cruz. Naka-full battle gear. May riot shields at tear gas.
“WALANG KIKILOS! DAPA! ISUKO ANG MGA ARMAS!” sigaw ng Chief.

Inasahan nilang may duguang nakahandusay.
Pero ang naabutan nila: Si Boy Bato, kinakapa ang pisngi ni Rambo. Ang ibang gangster, nagtitinginan ng T-Zone at nagpapahiram ng lip balm.

Natulala si Chief. Ibinaba niya ang baril.
“Anong… anong nangyayari dito?” tanong ng Chief. “Nasaan ang rambulan?”

Humarap si Boy Bato. “Chief! Buti dumating kayo! Tanong ko lang po, anong gamit niyong facial wash? Kasi pansin namin medyo clogged ang pores niyo sa ilong. Stress po ba sa trabaho?”
“Oo nga Chief,” dagdag ni Rambo. “Mag-mask kayo ng Clay Mask twice a week. Sayang ang gwapo niyo kung oily kayo.”

Nagkatinginan ang mga SWAT. Yung isa, napahawak sa mukha niya.
“Chief, oo nga no,” bulong ng isang pulis. “Medyo dry nga mukha niyo ngayon.”
“Tumahimik ka Sgt. Perez!” sigaw ng Chief. Humarap siya sa mga gangster. “So… walang away? Walang saksakan?”
“Wala na po Chief,” akbay ni Bato kay Rambo. “Nagkasundo na po kami. Peace treaty na. Pupunta po kaming Watsons ngayon, may Buy 1 Take 1 daw sa sheet mask. Sama kayo?”

Napakamot ng ulo ang Chief. “Umuwi na nga kayo! At… itext niyo sa akin ‘yung brand ng Sunscreen na sinasabi niyo!”

Umalis ang dalawang gang na magkakasama, hindi para magbugbugan, kundi para mag-midnight sale shopping.

Mula noon, sila na ang pinaka-kinatatakutang gang sa lugar—hindi dahil sa dahas, kundi dahil kapag tinitigan ka nila, nakakasilaw ang kinis ng mukha nila. Ang tawag na sa grupo nila? “The Glow Up Gang.”